تنهيدتي من بين الضلوع ... تطلع تندهك ... لو يوم تفرح قلبي الحزين ... بكلمة حلوة ... تريحني ... وتريحك
ما بحبكش ...
أنا بعشقك ...
قد اللي فات من عمري ... واللي باقي ... قد شوقي واشتياقي ... قد خوفي عليك ياللي ... قلبي محتاجلك تمللي ... تسنده وتكون جنبه ... تنسيه كل اللي فاته ... ده انت روحه وكمان حياته ... وفي بحر حبه تدوبوا سوا ... تغرقه ... ويغرقك
ما بحبكش ...
أنا بعشقك ...
شايف في بعدك ... النهار ... ازاي وحش حتى النسيم منه اختفى ... أصله لسة على عهد الوفا ... عمره ما ييجي ... الا اما تتكلم ... والليل ... لساه حزين والقمر برضه غايب ... كأنه حالف ميت يمين ... عمره ما يطلع ... الا اما تتبسم ... عايز النسيم يرجع هواه ... والقمر يرجع سماه ... والعمر تيجي بهجته ... وأنسى مرارة قسوته ... اتبسم ... واتكلم ... قول وأنا قلبي مصدقك ...